نشر بوساطة عبد المطلوب مبارك البدراني في الرياض يوم 30 - 03 - 2025

السحابه ادلهمت وارعدت والبرق لاح
وامطرت والسيل سال وزنت يالمشرافيه
واعشبت كل الفياض وكل مهموم استراح
وهات ياهاجسي من الجزال الصافية
مهرتي حثيتها من مساء حتى الصباح
وإن نزلت بها في وسط المعارك كافيه
ما خذيناها هديه من رجال الفلاح
وما شريناها ولاجت علينا لافيه
ودي اهديها رجال المعزه والصلاح
الرجال اللي على الطائله متشافيه
ومالها في بعض ديره مقر ولا مراح
ديرة ماهي على العز نارٍ طافيه
ما يشابه غزير الماء الرسوس ٍالضحاح
ورمية صائبه ماهي كما اللي هافيه
مرحبا ياهلا بالعيد والعود فاح
عاد عيدك يا وطنا والسعادة ضافيه
والله ان العيد للمسلمين فرحه وانشراح
واطلب الله الستر والمغفره والعافية
التهاني للمليك اللي رسم درب النجاح
عاد عيدك يا مليك العدل والانصافيه
والتهاني للصقر شيهان خفاق الجناح
لولي العهد ابو سلمان محقق الاهدافيه
ما شربتوا شربة غير من عدٍ قراح
وما ضربتوا خصمكم غير ضربه شافيه
ولا عطيتوا المده اللي تعقبها النواح
اليدين تمد ماهي يدينٍ جافيه
يا الله ان تحفظهم يامجري هبوب الرياح
يا ولي العرش علام الأمور الخافيه
عبدالمطلوب مبارك البدراني

انقر هنا لقراءة الخبر من مصدره.