المقادير:

3 كوب دقيق أبيض منخول

2 ملعقة كبيرة حليب بودرة (اختياري لكن يدي طراوة)

ملعقة صغيرة خميرة فورية

نصف ملعقة صغيرة بيكنج بودر

رشة ملح + ملعقة صغيرة سكر

ربع كوب زيت أو زبدة لينة

كوب إلا ربع ماء دافئ (حسب العجن)

للحشو:

جبنة بيضاء أو فيتا (مصفاة كويس من الميه)

رشة نعناع ناشف أو شبت مفروم (اختياري)

رشة فلفل أسود

للتزيين:

صفار بيضة + ملعقة صغيرة لبن

حبة البركة + سمسم

الطريقة:

في بولة كبيرة، اخلطي الدقيق مع السكر، الملح، البيكنج بودر، والحليب البودرة.

ضيفي الخميرة مع الزيت، وابدئي نزلي المية الدافية شوية شوية لحد ما يتكون عجين طري وما بيلزقش.

اعجني كويس 10 دقايق على الأقل، ثم غطي العجين وسيبيه يخمر ساعة في مكان دافئ.

قطعي العجين كور صغيرة، وافردي كل واحدة، وحشيها بالجبنة.

اقفلي الأطراف كويس على شكل هلال أو فطيرة صغيرة.

رصيها في صينية مدهونة زيت أو عليها ورق زبدة، وادهني الوش بخليط الصفار واللبن.

رشي حبة البركة والسمسم من فوق.

ادخلي الصينية فرن سخن على 180 درجة لمدة 20–25 دقيقة لحد ما وشها يحمر وتكون منفوشة.

يمكنك مشاركة الخبر علي صفحات التواصل