نشر بوساطة ماجد الهذلي في الرياض يوم 25 - 03 - 2025

حي رأسٍ ممتلي عز وفراسه
من جدود ومن خوال ومن عمام
رأس شغمومٍ عصب للمجد رأسه
وانتهض للجدي من حينه وقام
روض الصعبات من عزمه وباسه
للعدا حربة وللقربة سلام
دارسٍ من واقع أيامه دراسه
مثل شيهانٍ على المرقاب حام
سيدي والعز والطنخة لباسه
فوق خيل الوقت وأخلاقه لجام
من عزيز اللبس متلبّس مقاسه
لا بس الجوخ المقصب والحزام
الأمير اللي لبس بشت السياسة
علّم العالم تفاصيل النظام
الأمير محمد اللي قاد ناسه
والوطن فوق الثريا والغمام
ما دخل في كل ميدانٍ وجاسه
من على وضح النقا شرقا وشام
ما بنى إلا كل صرحٍ من أساسه
وما يوقف غير في فصل الختام
كل ميدانٍ خطر بالعزم داسه
وما يحب إلا الأوائل والأمام

انقر هنا لقراءة الخبر من مصدره.