حرص الفنان تامر حسني على توجيه رسالة دعم للمخرج محمد سامي عقب إعلانه اعتزال الإخراج التليفزيوني، مشددًا على أنه أحد أنجح المخرجين في تاريخ الدراما المصرية، مطالبًا إياه بمراجعة قراره.

ونشر تامر حسني تعليقًا مطولًا عبر حسابه الرسمي، قال فيه:

"أوعى يكون قرارك بسبب أي إحباط! يمكن في بعض المشاهد اللي الناس انتقدتها، وأنا شخصيًا استغربتها شوية، لكن ده لا ينفي إنك قدمت أعمالًا عظيمة ومؤثرة. مفيش مخرج في مصر نجح في كل أعماله بدون استثناء زيك، والحظ محالفكش في عمل أو اثنين فقط على مدار 14 سنة، ودي حاجة مينفعش الجمهور ينساهالك."

إشادة بتاريخ محمد سامي الفني

واستعرض حسني أبرز النجاحات التي حققها سامي على مدار مشواره الفني، قائلًا:

"مسلسل (آدم) جمع المصريين والعالم العربي قدام الشاشة، و(سبق الإصرار) و(حكاية حياة) نقلوا الدراما المصرية لديكورات وإخراج مختلف، وبعدها (الأسطورة)، و(البرنس)، و(جعفر العمدة) اللي حققوا أعلى نسب مشاهدة، وآخرهم (نعمة الأڤوكاتو) و(إش إش) و(سيد الناس)."

نصيحة بالاستمرار وعدم الإحباط

وواصل تامر رسالته قائلًا:

"هزعل منك لو هتمشي محبط وأنت أنجح حد.. الشجرة الخضراء الكبيرة ممكن يطلع فيها ورق أصفر بسيط، بس ده لا يغير من حجمها، وكل الناجحين بيتعرضوا للنقد.الناس اللي بتنتقدك هما نفسهم اللي بيتابعوا أعمالك بكل تفاصيلها، وده دليل على نجاحك وتأثيرك."

ثقة في نجاحه المستقبلي

واختتم حسني رسالته بدعمه الكبير لسامي، مؤكدًا أن قراره بالسفر والتعلم خطوة إيجابية ستضيف لمسيرته الفنية:

"سافر وكمل حلمك وأنت منتصر بتاريخك، متسمحش للحزن ينسيك نجاحاتك، وأوعى الزعل من بعض المشاهد يخليك تنسى أنت قدمت إيه للدراما، ربنا ينور طريقك، وواثق إنك هترجع أقوى من الأول."

أخوة وصداقة ممتدة

وأنهى تامر رسالته بكلمات مؤثرة:

"هفضل أخوك الكبير، وفي ضهرك طول العمر، يا بطل."

للمزيد تابع

خليجيون نيوز على: فيسبوك | إكس | يوتيوب | إنستغرام | تيك توك