مش هنتفرج عندنا شغل.. متابع يسخر من سامح حسين بعد الترويج لفيلمه استنساخ

روج الفنان سامح حسين كعادته لفيلمه الجديد استنساخ والذي من المقرر عرضه في السينمات المصرية بداية من يوم 9 من شهر ابريل الجاري وذلك عبر حساباته الرسمية بمواقع التواصل الاجتماعي المختلفة.

متابع يسخر من سامح حسن بسبب تصريحه عن الإجازات 

وفي وسط هذا الترويج، قام متابع بالسخرية من سامح حسين وذلك بسبب تصريحه الأخيرة عن الإجازات، حيث علق على منشور بوستر فيلم استنساخ وفقا لما رصده موقع تحيا مصر، قائلا "محدش فاضي يروح السينما عندنا شغل"، ليرد عليه سامح حسين: "والله لو كنت أقدر أروح ليكم واحد واحد وأوريكم الفيديو عشان تعرفوا إني مقولتش كدة.. كنت عملت كدة ".

وكان الفنان سامح حسين قد تصدر حديث مواقع التواصل الاجتماعي المختلفة وذلك بعدما تداول الجمهور له تصريح يقول فيه: إحنا شعب أبهر العالم بقدرته العجيبة على الضحك في أصعب المواقف وربنا خلقنا كده بنحب الضحك والفرحة، والعيد فرحة، ويا رب يكتر أفراحنا، بس مش ضروري نأخذ كل الأعياد دي إجازات وورانا شغل كتير.

سامح حسين يدافع عن تصريح الإجازات 

وخرج سامح حسين ليدافع عن نفسه، قائلا: جمهوري الحبيب .. كل سنة وانتم طيبين وبخير .. بناء على طلبكم .. والناس اللي طلبت تفسير الموضوع إني بطالب بإلغاء الأجازات في الأعياد .. الكلام ده طبعا غير حقيقي بالمرة .. أنا زيكم بحب الأجازة وبحب زيكم اشتغل بإخلاص زي كل واحد في مجاله .. الأجازة دي نعمة من ربنا نشحن من خلالها قوتنا المواصلة مشوار الحياة.

وتابع حديثه: كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها أجازة .. لكني لم أقصد أبدا إلغاء الاجازات الرسمية .. وعلي فكرة إحنا بنحب الأجازة علشان بنشتغل .. أي حد جرب قلة الشغل مش هيحب الأجازة .. الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير .. يارب حياتكم تكون كلها أعياد وفرحة.

تفاصيل فيلم استنساخ 

من ناحية اخرى، يعد فيلم استنساخ من بطولة الفنان سامح حسين إلى جانب الفنانة هبة مجدي ومن المقرر عرضه في السينمات المصرية والعربية بداية من 9 من شهر ابريل الجاري.