وتحدث شوبير، عبر برنامج «قناة الأهلي»، ردًا على التقارير التي أثيرت بشأن وجود خلاف بين مارسيل كولر ومحمد شوقي.

وقال شوبير: «كلام إن كولر زعلان من شوقي بيتدخل عشان بيتدخل في صلاحياته أو بيمنعه إنه يشتغل، واتقال إن الكابتن محمود الخطيب شدد في الاجتماع المصغر إن الأسرار متطلعش بره».

وأضاف مندهشًا: «طيب يعني كابتن الخطيب هو اللي قال وبعد اجتماع كان مصغر أنت طلعت قولت الأسرار دي كلها منين؟!، هل الخطيب خلص الاجتماع وقالك».

وأكمل: «خناقة شوقي وكولر إيه وليه وإيه سبب الخناقة عشان نعرف وندخل نصالحهم؟. نقفل النادي عشان ترتاح».

وتابع: «اتقال كان في خناقة مع سيد عبدالحفيظ وخالد بيبو ومحمد رمضان، خلوا تصفية الحسابات بعيدة عن كدة يا جماعة، يا سيدي حتى لو خسرنا الموسم بتحصل في أحسن العائلات، احنا منحبش كدة، لكن في إيه؟ هو الأهلي تاعبكم كدة ليه».

يمكنك مشاركة الخبر علي صفحات التواصل