نجوى فؤاد تستغيث بـ وزير الثقافة: مش عايزه أعيش بدار مسنين

ووجهت نجوى فؤاد رسالة لوزير الثقافة، خلال تصريحات تليفزيونية، حيث قالت: اهتموا بينا شوية إحنا الجيل اللي خد ملاليم مش ملايين، ودخلنا معروف عايزين نعيش عيشة آدمية حلوة. 

وأضافت نجوى فؤاد: أنا مش عايزة أعيش في دار مسنين، انا ساكنة في بيت ايجار، ومعنديش بيوت تمليك ولا محلات قفلاها، والعلاج غالي، وكشف الدكاترة نار، والعيشة صعبة انتبه لينا شوية، دي حاجة انا مشوفتهاش في حياتي. 

واستكملت نجوى فؤاد حديثها: ببحث على مشروع صغير لان معاشي ٦٠٠ جنيه في الشهر، دول ميجيبوش عيش، هدور على حاجة اشتغلها، قضيت عمري كله في المشوار الفني، مع الناس اللي حبتني هسعى على شغل واللي يدور يلاقي، والاعمار بيدي الله محدش عارف عمره امتى..

يمكنك مشاركة الخبر علي صفحات التواصل