شيرين عبد الوهاب تشيد بمسلسلات رمضان 2025.. أبرزها مسلسل "إخواتي"

ونشرت شيرين صورة مجمعة لبوسترات المسلسلات عبر حسابها الخاص على موقع تبادل الصور والفيديوهات إنستجرام، وكتبت عليها معلقة: "حبايبي الغاليين بجد انبسطت جدًا من اللي شوفته في رمضان 2025 من إبداعات فنية مميزة ومؤثرة !".

وأضافت: "حابّة أوجه شكر خاص لصنّاع مسلسل “إخواتي” وبالأخص السيناريست ( مهاب طارق ) والمخرج الكبير ( محمد شاكر خضير ) اللي دايمًا بيحط بصمته بحب وإبداع"٠

وتابعت: "وكمان شكر كبير لمسلسل “منتهى الصلاحية” على الجمال والإبداع والرسالة العميقة اللي لمسَتني جدًا".

واختتمت: "وماقدرش أنسى مسلسل “80 باكو” اللي فعلاً فرّح قلبي ببساطته وضحكته اللي من القلب".

وكانت آخر أعمال شيرين عبد الوهاب هو مشاركتها في الموسم الرمضاني المنقضي لعام 2025، حيث أغنية جديدة تحمل اسم "أكتر وأكتر" لصالح حملة دعائية جديدة لإحدى شركات الاتصالات.

وأغنية "أكتر وأكتر" من كلمات أيمن بهجت قمر، ألحان عزيز الشافعي، توزيع حاتم عبد العزيز.

وجاءت كلمات أغنية "أكتر وأكتر" على النحو الآتي:

قعدة حلوة بالحبايب لما اتجمعوا

كل مرة حد غايب حاجة تمنعه

وأما كلنا اجتمعنا بقى للفرح معنى

ضحك رقص مغنى.. هغنيهالكم اسمعوا

عايزين نقعد مع بعض أكتر أكتر

واحشينكوا ووحشتونا أكتر أكتر

أكتر أكتر أكتر، أكتر قد ما نقدر

يمكنك مشاركة الخبر علي صفحات التواصل