تضيف الجميلة نرمين الفقي: حتي لما كانت ظروف التصوير تضطرنا نتواجد في اللوكيشن وقت آذان المغرب وفريق العمل يفطروا سوا كنت لازم ارجع البيت عشان افطر مع والدتي هيا ملهاش غيري وحتي في وجود العيلة حواليها بس لازم انا ابقي موجودة وكنت اطلب اذن مخرج العمل ساعة واحدة اروح افطر مع مامتي وارجع الاستوديو تاني.. والحقيقة ان حظي الحلو ان هذا الطلب كان دايما مجاب عشان خاطر ست الحبايب زي ما بيقولوا.

أضافت: بعد رحيلها كنت حاسة بوحدة شديدة رغم ان اسرتي ربنا يخليهم كانوا دايما معايا وكلنا لحد النهاردة حريصين نتجمع كل يوم علي الفطار في الشهر الكريم دا لانه فعلا شهر التراحم والتواصل والنفحات الطيبة.. ممكن ظروف انشغال الناس في الأيام العادية بالعمل وطلبات الأبناء والروتين اليومي طول السنة لكن لمة رمضان حاجة تانية خالص خاصة عندنا في مصر له بهجة وطقوس مميزة عن أي بلد في العالم.

وتضيف النجمة نرمين الفقي: كل الأسرة وصديقاتي يشهدون انني طباخة شاطرة جدا اعمل كل أصناف الطعام حتي المحاشي والممبار وغيرها.. وعلي فكرة انا تعودت ان لا احرم نفسي من الاكل لكن كل حاجة بحساب وايضا حريصة جدا علي ممارسة الرياضة اما في البيت أو الجيم.. وطبعا السباحة في الصيف وطبعاً أعتقد مفيش حد اسكندراني ميعرفش يعوم.

يمكنك مشاركة الخبر علي صفحات التواصل