وقال أحمد السعدني خلال لقائه فى برنامج "كلمة أخيرة" مع الإعلامية لميس الحديدي :"كنت خايف جدًا من تقديم شخصية (طارق)، وفضلت فترة طويلة متردد.. مش عارف كريم الشناوي استحمل ده إزاي رغم إني كنت عارف مضمون العمل، لكن لما بدأت أقرأ الورق، أول حلقة خوفتني، والتانية زادت التردد جوايا."

وأكد أنه لم يكن قلقًا من القضية نفسها التي يتناولها المسلسل، بل من كيفية تقديم شخصية معقّدة مثل طارق، قائلاً:"أنا مقتنع إن العمل بيحمل قضية مهمة جدًا، واتقدم بشكل درامي رائع.. لكن شخصيًا، مكنتش قادر أحب طارق في البداية، ومكنتش لاقي مدخل له."

وأضاف موضحًا:"أنا بطبيعتي لو معرفتش أحب الشخصية، هقدّمها وحش، حتى لو كنت بحب الورق والمخرج والعمل كله... لكن بعد فترة، حبيته جدًا، لأنه في النهاية إنسان، مش ملاك... بيغلط وبيصيب."

وكشف السعدني عن كواليس التحضير للشخصية، قائلاً:"دخلت في نقاشات كتير مع الكاتبة مريم نعوم والمخرج كريم الشناوي، وكنت دايمًا بقولهم أنا حاسس بإيه.. لحد ما بدأنا نلاقي مداخل منطقية تخليني أفهم وأحب (طارق)."

يمكنك مشاركة الخبر علي صفحات التواصل