أكد الفنان محمد رجب، أن أحمد عز صديق مقرب له وعاشوا مع بعض كل التجارب حتى الانطلاق في العمل الفني، قائلا: "أحمد عز حبيبي وعشنا مع بعض كل التجارب وهو كان بيسيب السياحة وأنا اسيب الشغل بتاعي ونشوف حظنا وكنت بروح له البيت كتير بعد ما خلصنا مذكرات مراهقة".
محمد رجب.. أحمد عز ملتزم مش بيحب يجيب سيرة حد
وأضاف محمد رجب، خلال حواره ببرنامج "أسرار"، مع الاعلامية اميرة بدر، المذاع على قناة النهار، أنه والنجم أحمد عز كان لهم لقاءات يومية، مضيفا: "كنا بنشوف بعض بشكل يومي في أعمال فنية وهو ملتزم وصاحب صحبه ومش بيحب يجيب سيرة حدا وفي حالة وبقلنا كتير متقبلناش لكن بيننا عشرة سنين كتير أوي".
محمد رجب.. طارق الشناوى طلب منى أهدى شوية
كما وجه محمد رجب، رسالة إلى الناقد طارق الشناوي يطالبه بالتروي في الحكم عليه، قائلا: "عايز طارق الشناوي يهدى شويه عشان يبقى تقييمه سليم عشان لما يقول إني المفروض ابقى بطل ثاني هو ضد الواقع وإرادة ربنا، وأنا عامل 24 فيلم بطولة و8 مسلسلات بطولة والمفروض يتروى وأنا رديت على كلامه وكلامي كفيل بالإقناع".
محمد رجب: موافق اعمل دور شر مع محمد رمضان واسمه يتكتب قبلي لأنه ميجا ستار
رد الفنان محمد رجب، على سؤال قوي من الاعلامية أميرة بدر ببرنامج "أسرار"، المذاع على قناة النهار، حول موقفه من العمل مع النجم محمد رمضان حال عرض العمل معه، قائلا: "موقفي مترتب على الدور من ناحية حجمه والوضع اللي هبقى في الفيلم عامل ازاي ولازم اشوف الورق الأول".
وأكد محمد رجب، خلال حواره ببرنامج "أسرار"، مع الاعلامية أميرة بدر، المذاع على قناة النهار، موافقته على تجسيد دور الشر مع محمد رمضان لكن الموضوع يكون بشكل يليق به وبحجمه، مضيفا: "بحب محمد رمضان ولو في موضوع يليق بيا وبحجمي اعمله، والمفروض اسمه يتكتب قبل اسمي على العمل".
محمد رمضان ميجا ستار وأنا ستار
وتابع: "محمد رمضان ميجا ستار وأنا ستار وعشان اقدر أروح المشوار اللي أنا عايزة لازم اعرف أنا قاعد فين الأول وهدفي أكون ميجا ستار وأنا بعمل اللي عليها وإنها تيجي أو متجيش شيء بتاع ربنا".
أخبار متعلقة :