مع اقتراب العيد| احذر شراء اللحوم بهذا الشكل.. تهدد حياتك

مع اقتراب عيد الأضحى المبارك واستعداد المواطنين لشراء كميات من اللحوم لتخزينها للعيد، حذرت الدكتورة يمنى الصادي، الطبيبة البيطرية، من شراء اللحوم التي تظهر عليها بعض العلامات غربية.

ومن بين هذه العلامات علامة على شكل حويصلات تدل على إصابة اللحم بطفيليات تهدد الصحة العامة لمتناولها، كما تدل على الذبح خارج المجازر المعتمدة.

قالت “الصادي”، في منشور عبر صفحتها على موقع التواصل الاجتماعي “فيسبوك”، إن إحدى المتابعات أرسلت لها صورًا واضحة للغاية لقطعة لحم اشترتها من أحد الجزارين، ووجدت عليها تشكيلات غريبة دفعتها للشك في سلامتها، خاصة بعد متابعتها الدائمة للصور التوعوية التي تنشرها الطبيبة عبر حساباتها.

فكتبت الدكتور يمنى في المنشور المرفق أدناه: “شوفوا الصور اللي تحت دي كويس أوى مجتليش صور قبل كده بالوضوح ده.. دي لوحة فنية الحقيقة”.

وتابعت: “الصور للحمة حد اشتراها من عند جزار ولقى الشكل ده فيها وبعتتلي بتسأل إيه ده لأنها شكت فيها من الصور اللي بنزلها دايمًا”.

واستطردت مجيبة: “الصور لوحة فنية لحويصلات الديدان الشريطية وبكمية كبيرة جدًا كمان في القطعة اللي شايفينها زي ما شايفين في الصور تحت.. وده معناه إن كل اللحمة مليانة من الحويصلات دي”.

وأضافت: “طبعًا حكم اللحمة الاإعدام للدبيحة كلها غير صالحة للاستخدام ويتبلغ عن الجزار زي ما قولت 100 مره قبل كده الدبح هنا خارج المجزر”.

وأكملت الطبيبة البيطرية قائلة: “طبعًا عيد الأضحى داخل علينا وكل الناس بتدبح خارج المجزر.. شيرو البوست علشان الناس تعرف الشكل لو شافته.. ده كارثه لو الناس كلت اللحوم دي؛ لأنها مقاومة للحرارة ومبتموتش بسهولة حتى مع السلق بتحتاج حرارة عالية جدًا”.

نسخ الرابط تم نسخ الرابط

إتبعنا