أمس الضحى عدّيت في نايف الحيد

أمس الضحى عدّيت في نايف الحيد

نشر بوساطة اختيار إبراهيم الجبر في الرياض يوم 08 - 06 - 2025

ما بين شِعر وْبين خشم الفريده
مثلي على المبدا يحدّه حواديد
يصمد وراع الهم مالِه صميده
يسوقه الهاجوس سوق المعاويد
للضّيق كنّه فوق حام الوقيده
همٍّ يقدّد تومه القلب تقديد
هنيّكم يا أهل القلوب البليده
لو إنّي أرقد نوم بعض السلابيد
ما شفت حالي ناحلٍ كالجريده
النوم للّي ما يَحسْب المنافيد
ما همّه إلاّ كيف يملا مسيده..
شعر : بندر بن سرور العتيبي

انقر هنا لقراءة الخبر من مصدره.