نشر في الرأي يوم 12 - 03 - 2025

الشاعرة : نوف مشعوف العنزي
سلام يادار الفخر والبطولات
سلام يادولة هل العز والطيب
قبل ثلاث قرون فجر البدايات
اشرق بشمسه للعرب مابها ريب
محمد بن سعود وحد مسارات
ساس العروبة والعرب بالمجاذيب
الدولة الاولى بناها على ثبات
وامجادها امحكمه بالمقاضيب
رغم المكايد تعتلي بالطويلات
والسيف الاجرب ماحدته الواهيب
مرت على كل الفتن بالمحطات
وفرسانها غارو على شمخ النيب
نادت ل اخو نوره عريب السلالات
حرا ولد حرا عطيب المضاريب
الي عزومه ماتهاب الثقيلات
شيد لها مجدا بروس المراقيب
كيانها فيه التلاحم من الذات
وحدة وطن تارد قراح المشاريب
فخر العروبة والعرب والحضارات
توحدت دوله لها عزا أمهيب
والورث عهده بالولاء له دلالات
عهدا تجدد بازدهار ومكاسيب
وسلمان ابونا في نعيمه مسرات
ملك بظله عزنا لاعوى الذيب
ولي عهده مايهاب الصعيبات
في رؤيته نهضة وخطة وترتيب
كل الدول عنده تعزز علاقات
من قو باسه يرسلون المناديب
واميرنا الي حاضرا بالانجازات
هو ذخرنا لبى جميع المطاليب
محمد عزومه وافيه بالمهمات
واقع تطور ويتحدى الاصاعيب
الدولة العظمى بكل القرارت
فيها الزعامة والقيادة بتهذيب
فوق الدول لها مقام ومدارت
هي وجهة العالم الحل النواشيب
بالدين منهجها تحدى الصعيبات
وعاشت سعودية بسلم ومواجيب

انقر هنا لقراءة الخبر من مصدره.